Koklob-9

SALSA ‘ANG – RUNG – TWIYUNG’

Salsa sakao ang,

Ani tolao rung,

Rungni tolao twiyung.

Kuchugo nokha

Tolao bo nokha,

Ang naikhlaio,

Twiyungni sak b’kur kwchwng twih

Bwkha.

Ang sak,

Ano bo nuk kha!

Haching hadwlwi,

Ihi! sib sao twibar.

Hachuk kwrwi,

Hapung kwrwi,

Kwrwi bolong halong.

Ayango lama,

Oyango bo lama,

Kwplwng khakchangma.

Aswk hamjakma nini

Ang bahai poknani tini!

Sals ‘Ang – Rung – Twiyung’.