Koloma Muitu Manthung
B’kha kwlwi o yapri sethani
Kokborok bini mungno twiwi,
Ayang oyang nokhakjak.
Lama manya himnani
Dopha ojarokni ,
Rajniti ni sak koilik thani.
Roman Bangla ni swithai beser o
Huijagwi tini , belai lengsukjak,
Buphuru ba koloma sakmang ni
Soi sini mwng kokborok ni,
Mari lepejak , ha kisi laikrang o.
Khorok tisawi siyari pantwi rujuwi
Khumtoya wng wi barno !
Aichuk boyar ni yapri manwi
Sapung ha gnangwi bahai pirjak no !
Miya haino laithang kha
Tini mwngsa bo kwrwi,
Thinang yapri sarjak phisithwng.
Kok mang wngwi kokborok nwng
Koloma muitu manthung.
No comments:
Post a Comment