KHNADI
Khnadi,
Rwchabmwng rwngya hwnwi
Rwchabya ta tong di,
Mwswiwi henerwi tong di.
B’kha tong thokya hwnwi
Mogwi ta tong di,
Mwnwiwi swrangwi tong di.
Nokha hamya hwnwi
Rokowi thui ta tong di,
Sichawi bachawi tong di.
Sarik sal saichung hwnwi
Duglam kholobwi achuk ta tong di,
Phataro beraiwi tong di.
Sal ni pohor kwprab noksing hab hwnwi
Tailam ta kholob di,
Tei bo phiyogwi rwdi.
Khumno hamjak hwnwi
Khumbar ta khol di,
Haphar gwnangwi kai di.
Bwthai thokjak hwnwi
Bwchlwi ta uakhrub di,
Bwchlwi hao phob di.
No comments:
Post a Comment