BOLONGNI KHORANG … NWNG BAH!
Bolongni khorang
Nwng ba tamoni phaiya nukjagwi baithang
Ang ring phuru khe jora rihorwi,
Phaidi hwn khe bo ano ring phirwi
Tamo biyago nwng
Baithang huijagwi!
Bolong halongni sampili
Toksa tok mwlwi ni khorang bai de kubulwi
Nini kokno ba thang kha nwng ba pogwi?
Hamjagwi de nwng ba jora rwkha,
Lachi rwma khorang de wng kha
Jesa sawi ba ahai swrwng kha
Baithang sabo nwng wng kha?
Sak huijagwi buino swrwngwi,
Bwswk tong sinai nwng ba huijagwi!
Aswk balwk kha, bebak kwma kha
Munna rwng liya, tamo aswk khwrang kha,
Sak ba holong de chakha!
Bolongni khorang … nwng ba!
No comments:
Post a Comment