BOROK TEI BOLONG
Bolong no hwnwi mano bororog tei
langma gwnangrokni bwkhasobom. Bwkhasobom tongwino chwng hama sohsa-sokhlai
khwlaiwi thangwi tongo, Abono karwi bo ih ha saka o borog eba langma gwnangrok
thangwi tongnani tei hamchasa ni bagwi je manwi nango abohrok bebak no bolongni
thani chwng manwi tongo. Bolongni thani langma gwnangrok eba bororog belai khe
lakai gwnang se. Tamo hwn khe boh chwngno salbrum brum riwi mangse tongo.
Phiya bororog siya mwnakmao
tongmani bagwi ahai wngjak. Bolong no sak baithangni hamkrai samung uansukma
kwrwi khe phwnangma bai kwbangma hathaio bolong komorwi habuma sakani hathai
wngwi thang bai kha. Abo no karwi bo chini borok dopharok hamchasa ni lam manya
wngwi kusung kusung chai phaima hukno no
tabuk bo romwi ma tongma bai chini Tripura bolong sengwi thang kha. Aboh bo
bolong komorma yapiri hwnwi yaksi sului mano. Tei abo baino nokbar uatwi jora bai chalwi thang kha.
Langma gwnangrokni sakao belai khem kotor tubui rwphai kha.
Science tei technology ni khakama
bara agokmungle wngkha kubuino. Phiya kwbangma snamno pernai manwi amjokmung,
podrepod hoku gwnang manwi (malkhung akorok) bangma bagwi nokbaro carbon
dioxide, carbon momo oxide gas salni sal bangwi thang kha tei bangwi no tongo.
Bohni bagwi no kwchang tongthothok wngyawi tungphla kha, ha kuak kha, twimuk
ransa kha jora twi uatwi ualiya wngwi mai khul tei langma gwnangrokni chathai
nungthai tei thangwi tongnanio kebengmung tei kirima swngsa wngwi bachakha.
Bororog ni thani beram kakliya. Kirima singsa kwtal kwtal siniya beram bai
kwbangma bororogno thwina nang bai kha. Abohtwi no wng kha bolong komorna
kirima singsa kotor yapri.
Abo bagwi no hayung tongnai joto
borogno tini poito khlaina nangnai hayung ni kwkhrang bwkhasobomno teisa
kwthang khwlai man yak he tabuk hora tei thinang jora ni achaiphainai langmao
ongkhorwi phainai jora steo no kwthwi kosom sampili.
No comments:
Post a Comment