NONO LAMJAGWI
Sapung sal kolok
Naisingmang naisingmang,
Haping muimasing khol twih
Twi khokna gola sewi,
Bisi puilani nokbar uatwio
Kuar kuagwi kuphung thang kha.
Bukcha gola tini
Mwkhra chetrojak muimasing hanta
Haping khagra gra mwkhang
Tongthokya kiphilna nang kha.
Hai bo! khapang nono naisingjak
Salno nairwgwi muitu bai lamjak.
Buphuru ba sanja salno chakha
Phailiya lama mwnak suk kha
Khapang hor lomsuk thang kha
Joto no thubai kha.
Tabuk tei phailiya sawi man phano
Khapang lamjagwi tong kha.
No comments:
Post a Comment