SAICHUNGO!
Loge kwrwi
Nokha ni chwmwi kobono
Sal no uaisa kholobo, uaisa yakarwi.
Bolong ni toksa pungo
Uaisa buphango bago, uaisa birsawi.
Twisa ni twi bo kochogo
Lam kolokma tola nai khlaiwi
Sabo, sabo ni bagwi …!
Twi chikon ni ah romjagwi
Twi kotoro phiyokjago,
Birman kwpal bai
Ah berma wngwi uahsungo muthubjago.
Phwranjago ah ahkran wngwi.
Ah bai ah no
Baksa ba thangkha phaljagwi,
Sabo ni kwpal
Sabo bai gwdalwi …!
Swngchar gnangwi buphang uaphang
Tei toksa tok mili,
Bebak no hathai hapung tei bolong ni bagwi
Imang kwrwi
Uaisa uisu khe imang sano kharo
Mokol mwktrwi yakarwi
Tongwio baithang bai gwdalwi,
Sabo, sabo ni bagwi….!
Hwn ba, maising saslang gwnangwi
Saslango bo joto no sak ni kolomtwi kwrwi
Naithok khe tonglai man khamu,
Sabo ni loge song sabo…!
Saichung saichung no tong rwgo
Chukya uansukma, chukya khakama
Langma ni nokbraisa wngwi
Langma mwrwgo
Loge kwrwi saichungo…!
No comments:
Post a Comment