KOK-KHUBRU
Kokrwbai bwlai wng kha kaisa dophani hukumu-mukumu, tongmung-chamung, kanmung-chumung tei kokmung-kokthaino rigwi narwknai eba hama rwi kwthangnarwknai kaisa haphar eba lama. A hapharo eba lamao dophani snimung tongo.
Jora slaijagwi tongmani bai hayungo kokrwbai cherjakya kwbangma hapharni, kwbangma dophani sinimung hapharbo khokchorwi thangwi tongo tei kwbangma dopha bo ahai kheno kwmawi thango. Hakhe kokthaisa bai sana thang khe, “kokrwbai bwlai kwrwi, dophani langma bo kwrwi.”
Hakhe, phadi tabukni ih internet ni molo tei hapharo chwngbo chini snimung, kokmung-kokthaini yarwng kokrwbai bwlaino JORA ni bisingtwi pinwi rwlaianw. Sao swrwnglai khlaiwi dophani snimungno mwthangwi tonglaianw.
JORA WEB MAGAZINE o mananw – Koklop, koktang, kokbwkhal, kothoma, kokborok kokma, laibumani kok, tongtharni kok, tei haste- hayungni koktwmarok.)
Hambai.
Komthingnai
S.Debbarma
No comments:
Post a Comment