NARWKNA PHAI DI
O kungbara
Uansugui manliya de nwng?
Nini hokmani hathai hapung
Maini bisingo khul kwplwng
Iko nahor le –
Bolong chawi tong kha
Buphang uaphang, uasong ualwng
Dogra baiwi ripuji kwswng
Naisigwi nuk liya de nwng?
Mai kormo lwlwk no naharwi
Atika khatungwi bir kiting mani
Ari bai Ati ni kothoma
Bari mogwdam mwrwk mani
Rwchabwi sawi man liya de nwng?
Maising laiwi saslang phai kha
Bolong ripuji sikla chabai kha
Tangbla jora phai kha.
Biyang yakar kha, rom di da borok
Chango ri kha di, sor di pakri khorok
O kungbara dopharok.
Tamo sawi man liya de nwng!
Huk bai nini halokni kokrok?
Narwkna phai di abohrok.
No comments:
Post a Comment