BOROK KAHAM SABO?
Lachima butharwi
Aroh – uro;
Jeba jaga o manjagwi,
Nono – bono;
Swkang khuk kheng khe bo
Uklok ni bui bai
Lachima kwrwi borok se hwnjak nai!
Khitor no rwkhlaiwi
B’kha kwrak sak no
Swkang yapiri sewi;
Thangrakya jagao
Thangwi khe bo
Uklok ni bui bai
Kirima kwrwi borog se hwnjak nai!
Lachima manjagwi
Kirima torjagwi
Buino naisigwi
Siring siring b’kha kwlai
B’khao tong khe bo
Uklok ni bui bai
Butuasa borog se hwnjak nai!
Sadi borog kaham sabo!
Sabo no hwn nai?
***************
Hamjakma b’khao chobwi
Khatungma khajama
Boh bai – nwng bai
Joto chwla bwrwi bai
Tonglai khe bo
Uklok ni bui bai
B’kharisi se nangjak sinai!
Saichung;
Saichungno tong khe bo
Uklok ni bui bai
Borog natha se hwnjak nai!
Mo hai se
Mo bo hai no
Bo khe hai tong thung,
Bo bo bai no tong nai.
Sak bo mo hai no tongnai tei tong khe
Uklokni bui bai
Borog naisle se hwnjak sinai!
Sadi borog kaham sabo!
Sabo no hwn nai?
**************
Hai khe no ani
Hai khe bo nini
Mo hai khe chini
Mo hai khe bo norok ni,
Jekhe phano ham liya
Ani – nini – chini
Kaham le joto no uklogo bini!
No comments:
Post a Comment